Bahan PA 1-6
Februari 2016
1.
Wekdal
Ening
2.
Kidung
Pambuka KPK 115 : 1,3
3.
Pandonga
4.
Pamaosing
Sabda : Lukas 18 : 31-34
5.
Andharan
ringkes
Mbikak Dhiri
Menawi kita ngaggem
kaca paningal warni kacanipun abrit, kita badhe ningali jagad punika kadosipun
abrit sedaya. Menawi kaca paningal punika enggal kita copot, jagad dados mboten
abrit malih, warni kados aslinipun. Nyopot kaca paningal warni abrit punika, gampil
kita copot. Ning dospundi bab pangertosan/ cara pandhang ningali kawontenan.
Asringipun, kita awrat nyopot pangertosan/cara pandhang, rikalanipun kita
ningali saktunggaling kawontenan. Contonipun. Tiyang jaman rumiyen, asring
nyebat kendaraan rodha kalih punika “Honda”. Kamangka, jan-janipun, Honda
punika merk kendaraan. Sebat mawon mbah Koplo lan putunipun Tom Gembus. Mbah
Koplo gadhah rodha kalih, merkipun Yamaha, jenisipun L2 Super. Kaleresan, montoripun mbah Koplo nembe
ditambal teng bengkel. Mbah Koplo lajeng dhawuh dhateng Tom Gembus “Le…jupukno
hondaku yoh….nang bengkele Markindot”. Kamangka Tom Gembus nembe wangsul saking
Jakarta, taksih radi kesel, namung manggut-manggut lajeng kesah. Dumugi ing
bengkelipun Markindot, Tom Gembus lajeng tanglet “Pak…ajeng mendhet hondanipun
simbah…”. “Oya…kae le…”wangsulanipun Markindot. “Lah pak…niki rak yamaha, sanes
Honda…wong kagunganipun simbah niku Honda kok…senes Yamaha pak…”protesipun Tom
Gembus. “Kuwi simbahmu sing ora ap tu det alias kuno…ngertine kendaraan roda
loro kabeh disebut Honda, kamangka merk’e Yamaha…wis gek gawanen
muleh…”wangsulanipun Markindot.
Saking cariyos
punika, cetha menawi mbahipun Tom Gembus, mbah Jon Koplo, taksih ngginakaken
pemahaman/cara pandhangipun. Kanyata, murid-muridipun Gusti Yesus ugi mekaten.
Taksih ngginakaken cara pandhangipun. Gusti Yesus sampun kaping tiga
ngendikakaken, bilih, Panjenenganipun badhe nandhang sangsara lan kasalib seda.
Ning cara pandhangipun para murid, Mesias mboten badhe ngalami sangsara, mboten
mlebet akal. Awit taksih ngginakaken cara pandhang punika, rikala estu Gusti
Yesus nandhang sangsara ngantos kasalib seda, para murid sami syok lan nilaraken Gusti Yesus. Cobi
menawi cara pandhangipun dipuncopot, lajeng ngginakaken cara pandhangipun Gusti
Yesus, rikalanipun Gusti Yesus nandhang sangsara sinalib seda, mesthi para
murid sampun siap, lan mboten badhe nilaraken Gusti Yesus.
Dospundi gesang kula
panjenengan? Taksih remen ngginakaken cara pandhang kita? Lajeng meksakaken
cara pandhang kita, dipunginakaken tiyang sanes? Sumangga kita nyinau saking
para murid, mboten meksakaken cara pandhang kita piyambak. Kita punika manungsa
ingkang dipunparingi nalar budi, ing pundi kita kedah tansah sinau lan sinau,
awit donya punika mboten ajeg ning terus ngalami perubahan. Sumangga sami
diskusi, cara pandhang kita ingkang kirang pas dipuntrepaken ing jaman
samangke, contonipun napa?
(Penulis YFKL,
inspirasi saking Bahan Mangsa Sangsara
LPP Sinode GKJ)
6.
Pisungsung
KPK 79 : 1-3
7.
Pandonga
sapaat
8.
Pangaken
Pitados Rasuli
9.
Kidung
Panutup KPK 79 : 4,5
========================================================================
Bahan PA 8-13
Februari 2016
1.
Wekdal
Ening
2.
Kidung
Pambuka KPK 170 : 1
3.
Pandonga
4.
Pamaosing
Sabda : Lukas 22 : 1-6
5.
Andharan
ringkes
Ngatos-ngatos
Temtu kita
mangertos, bilih sejatosipun kathah panggodha wonten ing gesang kita. Cobi pun
sebataken setunggal-setunggal miturut pemanggih jenengan.
Kitab Suci ingkang
kita waos kala wau, nyariosaken sengkongkolipun Imam Kepala, ahli Taurat, lan
Yudas Iskariot. Kita badhe nyinau saking sisi kamanungsanipun tiyang ingkang
sami sengkongkol punika. Imam Kepala lan ahli Taurat punika sengit sanget
dhumateng Gusti Yesus Kristus, awit ketenaranipun Gusti Yesus. Kepinteran, sih
tresna, mukjijat, lan sedaya kasaenan ingkang dipuntindakaken Gusti Yesus,
nggeser Imam Kepala lan ahli Taurat, dados tiyang ingkang dinomor-duakan wonten ing tengahing masyarakat. Gusti Yesus bak
selebritis Didi Kempot ingkang dados idola era tahun 1990 dumugi 2000’an,
utawi, Tedjo ing era tahun 2010’an. Punapa Tedjo lan Didi Kempot taksih terkenal? Wo lha njih,
ning samangke jamanipun sinetron India lan Turki. Ketenaran Didi Kempot utawi
Tedjo, mboten kados rumiyen malih. Nah, punika ingkang dipunraosaken Imam
Kepala lan ahli Taurat. Gusti Yesus kadosdene sinetron India lan Turki ingkang
nggeser ketenaran artis-artis sanesipun. Saking terkenal ipun Gusti Yesus, mila
lajeng kathah tiyang sami memuji Gusti Yesus. Imam Kepala lan ahli Taurat
lajeng ajrih, Gusti Yesus badhe nggantos Imam Kepala lan ahli Taurat. Tiyang
badhe langkung remen mirengaken Gusti Yesus ketimbang Imam Kepala lan ahli
Taurat. Saking punika, lajeng tuwuh raos sengit ingkang lebet.
Raos sengit ingkang
makantar-kantar punika, katambahan bumbu kepanggih Yudas ingkang kapanjingan
roh iblis. Mila lajeng sengkongkol. Yudas nyade Gusti Yesus, dipunparingi
yatra, awit Yudas caos info akurat kangge Imam Kepala lan ahli Taurat, supados
saget nyedani Gusti Yesus, supados punapa, supados mboten wonten ingkang badhe
nandhingi Imam Kepala lan ahli Taurat. Hubungan utawi relasi ingkang swaunipun
intim antawisipun Yudas lan Gusti Yesus, dados remuk amargi raos sengitipun
Imam Kepala lan ahli Taurat.
Saking sabda punika
kita sinau : sepisan, bab sengit. Punapa kita samangke nembe sengit kaliyan
tiyang sanes? Sumangga, sinau saking sabda punika, raos sengit saget
ngombro-ombro, saget dados ageng kwasanipun, menawi mboten enggal-enggal kita
rampungi. Mila, kita kedah, ngatos-ngatos.
Kaping kalih, punapa kita rumaos paling bener? Ngatos-ngatos, punika
saget ndhawahaken ing dosa. Kaping tiga, punapa kita langkung mentingaken
bandha kadonyan ketimbang relasi? Ngatos-ngatos, kita mboten badhe gadhah
kanca, sahabat, brayat, ingkang tulus ngasihi kita. Kaping sekawan, cobi
panjenengan tambahi piyambak, piwulang punapa ingkang saget kita pethik.
Punika panggodha
ingkang dipunalami Imam Kepala, ahli Taurat lan Yudas. Dados, sumangga gesang
ngatos-ngatos, ibarat urip mlaku kudu ngati-ati, nak ora mesthi kesandung,
wusanane awake dewe sing kelaran. Amin
(Penulis YFKL,
inspirasi saking Bahan Mangsa Sangsara
LPP Sinode GKJ)
6.
Pisungsung KPK 155 : 1,2
7.
Pandonga
sapaat
8.
Pangaken
Pitados Rasuli
9.
Kidung
Panutup KPK 155 : 3
=======================================================================
Bahan Pencawisan
Bujono
1.
Wekdal
Ening
2.
Kidung
Pambuka KPK 51 : 1,2
3.
Pandonga
4.
Pamaosing
Sabda : Mazmur 7 : 1-18 ; Nats ayat 9
5.
Andharan
ringkes
Rumaos Dosa
Prabu Dawud, inggih
ratu ingkang misuwur, awit kapinteranipun. Dawud wiwit terkenal rikala mejahi
Goliat, lajeng pun kukuhaken dados Ratu. Awit saking panguwosipun, mila mboten
wonten ingkang wanton kaliyan Dawud. Kalebet Uria lan Batsyeba. Dawud jatuh cinta kaliyan Batsyeba. Temtu sae,
menawi Batsyeba dereng gadhah semah. Cilakanipun, Uria punika semah resmipun
Batsyeba. Ning saking tresnanipun, Dawud purun tumindak lepat, tumindak dosa,
mejahi Uria kanthi dadosaken panglima tentara perang, lajeng ngrebut Batsyeba.
Rikala Dawud tumindak dosa, mboten kathah ingkang wantun ngemutaken. Lha niki
hebatipun Dawud, awit Dawud mboten wonten ingkang wantun ngengetaken, Dawud
rumaos dosa. Mila lajeng nelangsani, lan nglepataken dhirinipun, awit kanyata
gesangipun Dawud sampun blasar. Dawud mboten nuding tiyang sanes ingkang dosa,
ning Dawud rumaos, mila lajeng mratobat. Coba kita raosaken kanthi lebet,
pangraosipun Dawud : Gusti Allah ngadili
para bangsa! Mugi kersa ngadili kawula, dhuh Allah, menapa kawula menika resik,
menapa manah kawula tumemen.
Sekedhap malih kita
badhe ndherek Bujana Suci. Kasebat Suci, awit lumantar bujana punika kita
kasucekaken saking dosa-dosa kita. Rah lan sariranipun Gusti Yesus ingkang
nglebur dosa kita. Sinten ingkang prayogi marek ing bujananipun Gusti Yesus?
Cetha, wangsulanipun, tiyang dosa. Cekap tiyang dosa? O mboten. Tiyang dosa
ingkang purun mratobat. Cekap namung tiyang dosa ingkang purun mratobat? O
mboten. Tiyang dosa ingkang purun mratobat, awit rumaos dosa, lan mboten nuding
tiyang sanes. Anggen kita mratobat, estu kanthi tulus lan eklas, awit kita
rumaos dosa. Lajeng mratobat punika punapa to? Mratobat punika, sepisan, kita
ngakeni lepat ing ngarsanipun Gusti Yesus, rumaos tumindak dosa. Kaping kalih,
pemulihan relasi kaliyan sesami kita, menawi dosa ingkang kita tindakaken
punika, wonten sesambetanipun kaliyan tiyang sanes. Sumangga, kita marek ing
bujananipun Gusti Yesus, kanthi manah tulus eklas, rumaos dosa, ngantos kita
mratobat, lan prasetyan kawilujengan mboten badhe ical saking gesang kita.
Gusti Allah ngadili para bangsa! Mugi kersa
ngadili kawula, dhuh Allah, menapa kawula menika resik, menapa manah kawula
tumemen.
(YFKL)
6.
Pisungsung KPK 163 :1-3
7.
Pandonga
sapaat
8.
Pangaken
Pitados Rasuli
9.
Kidung
Panutup KPK 51: 3
========================================================================
Bahan PA 22-27
Februari 2016
1.
Wekdal
Ening
2.
Kidung
Pambuka KPK 146 :1,2
3.
Pandonga
4.
Pamaosing
Sabda : Purwaning Dumadi 6 : 9-22
5.
Andharan
ringkes
Lumantar Proses
Jaman millennium, kasebat jaman modern. Serba modern. HP
android, tablet, laptop, lan sanes-sanesipun. HP enggal silih gumanti, tetep
laris manis. Kadosipun tiyang sami gesang ing jaman serba ngginakaken akal
budi. Lha njih to. Badhe ngginakaken HP android, temtu ngginakaken akal budi,
kepriye iki carane. Benten kaliyan gathul. Ning, kita sadhar mboten, ing jaman
serba modern punika, praktek alternative sangsaya berkembang ugi ing jaman
samangke. Kamangka, praktek alternative sampun kalebet mangsa kuno. Dukun
contonipun. Serba modern niku, kedahipun sampun mboten pitados wong pinter utawi dukun to?
Kasunyatanipun, dukun sangsaya merajalela. Cobi menawi kita maos Koran, meh
saben dinten lo, wonten ingkang naminipun dukun cabul. Lho dukun kok cabul? Lha
njih, wong anggenipun dados dukun supados saget melampiaskan nafsu bejat kok. Sadhar utawi mboten, praktek wong pinter utawi dukun, ugi asring
katindakaken ing salebeting pasamuwan. Conto, wonten lare nem-neman ingkang
alangan, dhawah saking sepeda montor, tiyang sepuh lajeng celethuk “nah…yo kuwi akibate
nak ora bujono, dadine kowe tibo soko montor”. Sakramen bujono dados
“senjata” praktek dukun. Nak mboten ndherek bujono, mesthi badhe nampi alangan.
Conto sanes. Kita nate mireng wonten iklan ingkang mekaten “Hadirilah, kasih dan kuasa Tuhan. Yang sakit disembuhkan, yang terbeban
akan dibebaskan”. Wonten greja A,
ingkang remen ngginakaken tembung-tembung ”sakti” punika, supados kathah tiyang
lajeng purun dados anggota grejanipun. Punapa estu, ingkang sakit mesthi
mantun? Ingkang momot, nampi pangluwar? Nggih pancen, saget kemawon. Ning ugi
saget kemawon, saras awit sugesti, sampun dipundemek ”dukun sakti” lajeng
ngraos mantun. Wonten tiyang ingkang
sakit, menawi sampun kepanggih kaliyan dokter A lajeng mantun. Nah niki
ingkang pun sebat, sugesti.
Budaya instan
sampun merajalela wonten ing gesang
kita, sampun ngrasuk gesang kita. Pengenipun sedaya punika serba cepet, instan.
Mboten wonten ing jagad punika ingkang, mak benduduk, mak jlug lajeng wonten.
Tiyang saget pinter, awit sinau, saking tataran SD ngantos perguruan tinggi.
Tiyang saget sugih awit usaha, saking swaunipun iwak pitik ideran, ngantos
gadhah outlet teng pundi-pundi, ayam goreng Suharti conto nyatanipun. Sedaya
kedah nglewati proses.
Nabi Nuh, dados
tiyang ingkang hebat ing ngarsanipun Gusti Allah. Ning proses ingkang
dipunlampahi mboten gampil. Nuh ndamel bahtera, ingkang ageng sanget. Saking
wiwitanipun, ngetok kayu, dipunukur, lajeng dipunpasang. Proses ingkang mboten
sekedhap. Ing ayat 22, kaserat, Nuh nindakaken sedaya dhawuhipun Gusti Allah.
Tegesipun, sedaya proses lan syarat bahtera, dipuntindakaken Nuh kanthi setya.
Wangsul malih,
mboten wonten ingkang instan. Sedaya betah proses, ing pundi, salebeting proses
punika, Gusti Allah makarya lumantar Rohipun. Mila kita kedah setya, kadosdene
Nuh ingkang setya ing salebeting proses ingkang dipun lampahi. Kita gadhah
pangajeng-ajeng punapa? Sehat?? Nggih sumangga, setya ing salebeting proses,
kanthi gesang sehat, olah raga, dhahar ingkang sehat, lan sakpiturutipun.
Panjenengan kepingin wilujeng ndherek Gusti Yesus? Nggih sumangga setya, ing
proses iman punika, ngantos ing salami-laminipun. Amin
(Penulis YFKL,
inspirasi saking Bahan Mangsa Sangsara
LPP Sinode GKJ)
6.
Pisungsung KPK 166 : 1-3
7.
Pandonga
sapaat
8.
Pangaken
Pitados Rasuli
9.
Kidung
Panutup KPk 146 : 3
========================================================================
Bahan PA 29 Feb-5
Maret 2016
1.
Wekdal
Ening
2.
Kidung
Pambuka KPK 52 : 1,2
3.
Pandonga
4.
Pamaosing
Sabda : Yohanes 2 : 13-22
5.
Andharan
ringkes
Gesang ing Kasucen
Suci. Saking tembung
punika, temtu kita kepingin dados tiyang suci. O gampil janipun. Kantun nyawisaken
yatra antawis 30 juta. Awit, wonten ingkang nyade kasucen. Hah?? Nyade kasucen??
Nate mireng, holy land (=bahasa
Indonesia : tanah suci)? Kangge kita tiyang Kristen, holy land punika Yerusalem. Mila samangke, biro perjalanan wisata,
sami berlomba nyade kasucen, supados pikantuk keuntungan. Kita mbayar 30 juta,
kita saget tiyang suci, awit kita wonten ing tanah suci, Yerusalem. Asik nggih,
kantun mbayar, dados tiyang suci.
Gusti Yesus kaget,
rikala tindak Yerusalem, ing pundi, Bait Allah utawi Padaleman Suci, wonten ing
ngriku, gampilanipun, gereja pusatipun wonten ing Yerusalem, malah diangge
sadeyan. Niki sami kaliyan, kasucen ingkang dipunsade. Padaleman Suci ingkang
swaunipun Suci, Kudus, dados pasar, dados panggenan transaksi keuangan.
Padaleman Suci wonten ing sangandhapipun transaksi keuangan. Kasucen sampun
kasade, supados pikantuk keuntungan.
Saking waosan
punika, kita kaatag, tansah njagi gesang ing kasucen. Sampun ngantos, Padaleman
Suci lan punapa kemawon ingkang kasebat suci, gampil lan saget kita tumbas. Gesang
kita, ugi kasebat Padaleman Suci. Sampun ngantos ugi kita sade, kangge si
iblis, supados kita sehat saking penyakit, supados kita gadhah banda kadonyan,
supados kita gadhah pangkat.
(Penulis YFKL,
inspirasi saking Bahan Mangsa Sangsara
LPP Sinode GKJ)
6.
Pisungsung KPK 71 : 1-3
7.
Pandonga
sapaat
8.
Pangaken
Pitados Rasuli
9.
Kidung
Panutup KPK
52 : 3,4
0 komentar:
Posting Komentar